Plantun de Prouvènço

Pèr coumpara dos planto d'encò nostre

Potamogeton perfoliatus & Vicia sallei

Espigo-d'aigo(-perfouliado)

Potamogeton perfoliatus

Potamogetonaceae

Autre noum : Poutamot.

Noms en français : Potamot à feuilles perfoliées, Potamot perfolié.

Descripcioun :
Espigo-d'aigo pulèu raro que trachis dins lis aigo prefoundo (> 1m), bèn luminouso e permanènto. Es uno planto forto d'un bèu vert, gaire o pas ramificado. Li fueio soun fragilo, alterno (aleva souto l'espigo), sènso pecou ("perfouliado"), en cor à la baso, un pau oundado emé de costo que se vèson bèn. Flouris de mai à juliet.

Usanço :
Es uno planto recercado en aquariofilìo.

Port : Grando erbo
Taio : 0,5 à 3 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Potamogeton
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Aigo - Ribiero
Estànci : Mesoumediterran à Coulinen
Couroulougi : Subrecousmoupoulito
Ref. sc. : Potamogeton perfoliatus L., 1753

Vesso(-de-Sallè)

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).